Landing page

Pathian thu dik Sabbath vawngtute kan ni a, Yeshua Messia hi Pathian Fapa nung dik tak a ni a, Pathian leh mihring inkara palai a ni tih kan ring bawk. Kan rinnate hi Bible Thianghlim Thuthlung Hmasa leh Thuthlung Thar aṭanga innghat a ni. Yeshua Messia leh Tirhkohte thurin zirtirna bulpui thianghlim tak chu kan hmang a, kan hril bawk.

NEWS

MPKTP in Executive Meeting Vawi 45-na nei.
MPKTP Executive meeting vawi 45na chu Dt:26-28 September 2025 khan Aizawl ah neih a ni a, Executive Member 7 leh Circle Representative 11 an kal thei a, MPKTP OB 4 leh Adviser 1 an tel thei bawk. Sabbath Intan zan atangin hun hman tan a ni a, Pastor Lalramdinmawia, Adviser-in thusawina hun neiin, ‘Kei heta hi ka awm, mi tir ta che’ tih thupuia hmangin PKTP Hruaitu kalkhawmte hnenah fuihna thu tha tak a sawi. Sabbath ral zanah Discussion Program hman a ni a, NPSS Hall ah neih niin, Deacon Solomon Vanlalfaka, President-in Program a kaihruai a, Circle hrang hrang dinhmun, Circle aiawhte theuhin an pe a, zawhna leh chhanna hun hawn a ni bawk, chumi hnuah topic hrang hrang, Branch leh Circle inenkawl dan te, thawhhona tha zawk neih theih dan tur te, Circle tihdan midangte entawn tur chi te, Budget chungchanga hmasawn theihna tur lam te ngaihtuahho a ni a, Adviser-in khaikhawmna a nei bawk a, a hlawkthlakin, Circle hrang hrang chanchin kan inhriatpawh tawn ngai lohte kan ngaithla thei a, a lawmawm hle. Sunday ah Rorel a ni a, Meeting hi Deacon Solomon Vanlalfaka President MPKTP in kaihhruaiin Official Agenda 7 leh Aizawl Circle Agenda 2, Chawngte Circle Agenda 4 te rel a ni. Meeting thurel tlangpui te:- Branch chakber thlan thin chu Circle chakber tih a thlak tawh turin MPKTP General Conference Agenda atan chhawpchhuah tur a ni. Kohhran hla tur inphuahsiakna neih nise ti a rel niin kohhran member tawh phawt tan chuan he intihsiakna ah hian a tel theih turin MPKTP General Conference Agenda atan chhawpchhuah a ni. Kum 2027-2029 Kumpuan thupui tur atan "Kohhran thurin zir uar" tih chu thlanchhuah a ni. Biakin sa mek te tana Branch/khua tin te luanchhuah theih dan tur rel niin MPKTP General Conference Agenda atan chhawpchhuah a ni. PKTP Census lak tha tih niin MPKTP General Conference Agenda atan chhawpchhuah a ni. MPKTP Programme hmanna hmun(Premises) reng reng ah zuk leh hmuam tih tihloh ni se tih rel a ni. Kumpuan thupui behchhana Short Movie insiam siak tha tih niin MPKTP General Conference Agenda atan chhawpchhuaha ni. Bible chhiar chhuak tura in zirtir nise chhiarchhuakte hnenah lawman siam sak turin MPKTP General Conference Agenda atan chhuapchhuah a ni. MPKTP General Conference 2025 ah thupui zirhona hun neih tura rel a ni. 2025-2027 Ob nomination hetiang hian siam a ni:- Deacon Solomon Vanlalfaka Deacon HC. Lalzawmliana Deacon Aggasi Zorammawia Deacon B. Lalduhawma Tv. M.Azaria Deacon Samuel Lalrinmawia Evan Joseph Thlamuana Hnamte Pu Benjamin Lalrinawma Tv. Lalmuanpuia Tv. Isarel R. Vanlalthlana Tv. Vanropuia Deacon C.Vanlalchhunga Pu C. Lalthangkhuma Deacon HC. Dengzauva Nl. Malsawmkimi Solom Zohlimpui MPKTP General Conference vawi 29-na December 2025 a neih tur programme duan a ni. Rorel zawhah Chawhlui kilho a ni bawk. Sawi hmaih hauh loh tur chu, PKTP Aizawl Branch-ten Meeting Program chhung zawngin min buaipuiin, ei leh in min siamsak a, Zanriah eitur min buatsaihsak pawh hi anmahni tum a ni nghe nghe a, an chungah MPKTP chuan Lawmthu a sawi takmeuh a ni.
06th Oct 2025Read More
MEDIA CELL DEPARTMENT REPORT
Dt. 27th September, 2025 Sabbath Inkhawm ban khan, Deacon Ramnghinga In, Nursery Vengah Media Cell Department Meeting Vawi 5na neih a ni a, Member zawng zawng an kal kim. Thurel tlangpuite chu : Website siamfel hmabak te siamfel bakah, Website hman dan chungchangah Mizoram Conference OB te leh Office Worker te nen Dt. 19th October, 2025 hian Training neih tum a ni. Property Upgrade ngaite Upgrade-in Kohhran Activity tam zawk chu Document-a dah leh vawn that zel tawh tum a ni. Bible Study Video Shooting neih chhunzawm tum a ni bawk.
30th Sep 2025Read More
Gallery 1
Submit Letter
Gallery 2
Questions and Answers
Gallery 3
Gallery